姜濤被袁劍偉形容係「球場黑洞」 193寸個人主義強：佢冇傳波掣 (skypost.ulifestyle.com.hk)

ViuTV《季前賽》已播映五集，給人感覺既搞笑又有感人位！《季》劇導演袁劍偉聯同演員張繼聰、梁業（肥仔）和193（郭嘉駿），亮相由谷昭主持的節目《爆谷一周》，大談沒有到場的姜濤十分「獨食」！

谷德昭指很喜歡看193的戲份，後者難得謙虛說：「我搵咗戲劇老師幫我排每場戲，感受好深，我成日都抽離唔到，之前返公司睇咗幾集，我係喊到黐線，係咁飲泣，又唔敢畀人聽到，好似經歷咗好多嘢！」

講到「波癮」大，肥仔表示一定是姜濤，193插嘴︰「嗰日宣傳活動完咗，佢話再去打波，打完再join另一邊街場，一日打3次波，呢條友乜事呢？有冇咁鍾意打波呢？」肥仔接住說：「佢好鍾意撩人一對一，贏咗就好沙塵，輸咗就…」193即說：「唔認數…」肥仔續稱：「有次我同佢一對一，係咁寸我，我全力防守，佢一球都入唔到。我有火呀，我唔攞分，都唔畀你攞分。」袁劍偉導演跟肥仔說：「你分享完？到我喇喎！嗰次我拍廣告，佢（姜濤）同佢個friend『維園三寶』搵我哋鬥波，我、Coach Fui同CM，唔好問邊個贏，總之打得好激烈，打打吓就嚟真…」