足本訪問：姜濤無懼緋聞再請林思廷拍MV 有齊床上戲 搭膊頭 閃爆咀嘴戲 坦言誠心等待愛情 會奮不顧身保護啱嘅人 (news.now.com)

【Viu】姜濤今日推出13胎《岩巉》，新歌由林家謙作曲，Wyman填詞，姜admin想藉住作品分享自己誠心等待真命天女來臨嘅感情態度，自己亦唔排除如果遇到合適對象，都會好似MV入面平行時空嘅姜濤，勇敢去愛。姜admin分享歌曲誕生嘅經過，「我有問過Wyman老師，佢覺得我對愛情係一個好有耐性嘅人，唔會急於輕易搵另一半，用『岩巉』唔係因為我哋好奄尖，而係我哋真係好誠心去等待完全適合我哋嘅另一半。」而姜濤亦分享自己嘅愛情態度，「我而家冇話想拍拖住，唔夠膽諗太多嘢，因為自己本身已經有太多事情要處理，所以如果再加多一份愛情喺度，未必處理得到。如果遇到一個啱嘅人，我又唔會完全放棄愛情呢件事，但暫時係事業為先。」