MIRROR演唱會 姜濤得1首Solo惹姜糖不滿 要求改Rundown (14:34) (ol.mingpao.com)

MIRROR首場紅館演唱會昨晚（25日）開鑼，12子施展渾身解數，唱足3小時，除了團歌外，亦有小組及Solo表演，整個演唱會他們合共唱了逾30首歌，不過有姜糖（粉絲暱稱）投訴姜濤Solo太少，他只得1首Solo《作品的說話》﹑《鏡中鏡》則與隊友「雙邱配」邱士縉及邱傲然合唱，網民反應意見不一：「真心唔明點解姜濤得一首Solo, 反而其他無出solo歌嘅隊員唱得仲多過佢？」﹑「咁辛苦撲飛，張歌單有欠公平，強烈要求改rundown。」﹑「上個演唱會仲好睇過呢個，可惜！」

但亦有網民表示今次是MIRROR演唱會，不是某位成員的演唱會：「可以批評點解某位成員唱得少，但唔應該批評點解某啲成員無solo咁多機會唱，唔通呢啲無solo嘅成員唔應該有一個平台畀佢哋表演？」﹑「一團12人，每個都有份表演，時間又有限，而12子自己有份傾個rundown同表演，順得哥情失嫂意，大家不要什麼也批評吧。」﹑「有不同意見係好事，有人話點解姜唱咁少唔公平、點解唔唱Warrior等等，我相信整個Rundown 得到12子、得到各方同意才決定，呢刻應該更加正面去睇呢件事，就正如姜（濤）永遠在別人的角度去想一樣，我們應該給予尊重及最大的支持。」﹑「姜（濤）應該係想俾多啲表現時間其他人，但姜糖可能好失望。」